【食 ❤上環】♧與閨蜜同享優遊饗宴❤Tea Set也可以食海鮮 ♣


自從當媽後,說真的擁有自己的私人時間不多
但我不覺得可惜,因為小朋友痴住自己的時間
真的可能就是短短的1000天,所以即使沒有私人時間
亦可以帶著他,跟我一同渡過我的[私人時間]

我有一班好友,我們差不多每一月也會一聚
出來吃過飯也好,去一下Party Room 瘋癲幾小時也好
最重要她們重點是要我帶Hugo 出來
所以跟她們出來聚一聚,反而我有一點私人時間吃東西

早前我們的每月一聚決定今日要食好D
朋友就建議不如去酒店食High Tea
四個人去兩Set 岩岩好
不過有朋友就建議左一間Cafe,
位於上環既,比較寧靜又唔怕比人趕頭趕命咁叫走
重點係阿仔仲有地方行黎行去?
朋友介紹既就係位於
上環街市街附近既DK Cuppa Tea
聽朋友講呢間Cafe 每隔兩至三個月就會推出左
不同類型既Tea Set,而今次呢個Tea Set
真係可以做晏就或者輕食晚飯都可以

正值炎炎夏日,大家一定會諗到陽光與海灘
所以今次我地食呢個Set 都同陽光與海灘有d 關係
呢Set 叫做[優遊饗宴]


唔講唔知,係DK 食野可以又玩又食咁過隱
首先店員會打開每人枱上既Magie Card 比大家抽自己心目中既想法
從而揀選相應既香薰精油,而我既就係檸檬味
亦有一張願望卡可以比你填寫後掛住佢地既牆上面
不過...我最後係忘記左填寫的..


好啦就講下今次我地呢個Set 究竟有咩食先啦
首先要場就有呢個黑松露牛肝菌湯 
說真的我好鐘意呢個裝湯呢個碗
真係好想問下邊度有得買...
(離左題...)個湯首先有一粒大大粒既蘑菇脆粒
配合陣陣既黑松露香氣,同埋啖啖既牛肝菌
重點係味道唔會過咸,即使我地相機食先
凍左都仲幾好飲


然後當然少不了要介紹其中一個主角啦
就係真係有手咁長臂既美國緬因州龍蝦
仲有北海道珍寶帶子配薯餅,青口,芝士同埋沙立美腸

龍蝦比起平時食澳洲既更大隻更加啖啖肉
加上有即場燒龍蝦,店主即場加燒隻龍蝦
令蝦膏同龍蝦一同享用,雙重享受
另外就係粒帶子,真係同平時買個d 刺身帶子一樣
唔同既係,佢地係原裝大大粒咁放係我面前
加上薯餅,分開一半再慢慢享用勁滿足

再講就係青口,佢帶有點點的海水味道但係好爽口
而呢粒車打芝士就好夾沙立美腸
芝士一定係好食因為Hugo 比左佢試左少少之後
成隻手指差d比佢咬斷xd
証明真係幾好食係唔係?


食完咸點及主食又點少得有甜品同小食先
首先就先會建議大家先享用最底層既蔬菜脆片
首先有抽空處理既蔬菜,
包括有冬菇,秋葵,芋條,紫薯同南瓜
仲有墨西哥片配牛油果醬及乳酪醬

首先講下d蔬菜脆片,由於佢利用真空處理關係
所以吃起上來有一點像薯片的,但係冇油之外
重點係全部係健康既蔬菜食多多都唔怕呀

另外呢個墨西哥片,有兩隻唔同既味道,
紫色的偏淡味一點,而黃色味道重一點但係有少少辣
而兩款既牛油果醬及乳酪醬,我最喜歡的仍是牛油果醬

講完咸食之後,又點可能唔講甜食先得架
女人High Tea 主要都係為左食甜品
係呢度就有五款甜點啦,包括有開心果馬卡龍,蛋白甜餅
香芒芝士蛋糕同開心果朱古力蛋糕
最重要一講既係隻咁可愛既狗仔,你會唔會以為係擺設?
其實佢係完全食得落肚既白朱古力米通
係咪估唔到先?因為我都估唔到

另外要講既係佢地家既
香芒芝士蛋糕同開心果朱古力蛋糕
係好好食,拍得住d主打精品甜品既鋪頭
個蛋糕係一個手掌大個隻,真係兩個人Share 都好夠飽
狗仔可以叫店員幫手切開打包的


睇相可能未必覺得係唔係真係咁好食又夠份量
唔緊要小妹今次拍左片小短片,
比大家睇下我地真係有咁多野食
重點連我而家呢個大胃王都可以食完係夠飽架



說真的今次的Tea Set是真的蠻貴的,
是每人$398,兩位起再需要加一服務費
不過食品質素,服務都是不錯的
重點是真係食完真係好鬼飽架...

唔講唔知呢個Set 係可以係遊艇度食架
店員同我地講,只需要加多$300+10%手續費
就可以上遊艇「英倫號」享用今次呢Set 「優遊饗宴」

重點係如果大月同我地一樣夠四個人
仲可以送你一枝葡萄汽酒係遊艇上享用
同時每位朋友都有得拎走
DK Aromatherapy 木盒同香薰油一支

如果你話我唔捨得係船上面食,
但係對於精油又有冇興趣既朋友
又有興趣想要個木盒仔?
即使你唔黎食個Set 都可以去DK 購買
只需要買4枝或以上,折實滿$500 都可以有一個呢個木盒架


今次分享既餐廳是: DK Cuppa Tea
Address: 上環新街市街19號地下 (西港城,北園酒家旁)上環地鐵B出口

◕‿◕如有任何合作事宜.歡迎以電郵或者
到我既Fanpage 找我◕‿◕
↓↓↓↓↓↓↓↓↓

 電郵:manman811@gmail.com 

以下地方亦可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤
 U Beauty ❤ Beauty Exchange ❤ We Share
Maima Buy Fanpiece 



留言

熱門文章