【親子】✿ 放電時間 ♬ 絕對玩謝父母的The Little Gym ✿

時間唔等人,以前我未必明呢個道理
但當小PQ愈黎愈大,就發覺原來時間真係唔等人
由其小朋友既成長時間,特別快過...

所以我好珍惜每星期放假既日子
盡量都帶小PQ去玩,或者見下不同既小朋友
同媽媽朋友聚會?去遊戲室?
或者想去學下野?我由PQ 一歲開始我都同佢去左試玩PlayGroup
不過坊間太多唔同既PlayGroup 好壞滲半
真係有時真係唔識點揀好

不過早前我就去左位於尖沙咀既The Little Gym 
試左堂睇下呢個PG 同平時我上既有咩咁唔同?


位於尖沙咀世界商業中心六樓既The Little Gym
整層也是給小孩童上興趣班的地方
而今次分享既The little Gym就當然係以活動郁動既地方去上堂啦
係(Gym)堂上會以英文教學,或者你會話小朋友會唔會唔明
經過我呢個英文白痴,我都可以聽得明
或者真係驚唔明唔洗驚因為有身體語言架嗎


係當日既課堂我地就頭頭就比小朋友周圍爬下
同平時既PlayGroup 有一點相似
當天上堂,由於我叫做新生既關係會有一位肋教
會係開始既時間跟我地講解下流程呀
活動細節呀等等,重點係佢地歡迎小朋友周圍咁走
因為可以順道給佢地適應番新環境

第一堂開始就先利用響玲做一下感官訓練
先每位小朋友都附上一個小小既搖玲
然後就來個唱遊班,拎住玲搖一搖摸摸頭的動作


然後就有跟自己小朋友來一個更互動的交流
就好似有同小朋友一齊圍住圈圈一齊散步
抱住小朋友在地下滾地碌一碌的
當然少不了小PQ 最喜歡的飛飛啦
仲有就係拎住呼拉圈模仿司機既開車時間
其實亦係感官訓練之一

玩完呢幾個Step媽我已經好攰,真係攰過自己做Gym
唔怪得課堂助教都話唔止係放小朋友電就連爸爸媽媽都會放埋電呀


今次呢家既PlayGroup 主打係佢地比較多活動性既郁動
亦會有關於運動性既活動,好似我地都有玩過木馬
教小朋友打關斗等等

雖然睇落呢個課堂好似蠻不錯,但係都有d 好壞處
好處-
1)課堂時間比較靈活
好似以星期6,日計,佢地一日有三堂
每次上堂亦可以預先通知需要改堂
如本身我係上星期六下午15:20 但係下星期我可以早一點上堂
就可以預先通知更改時間上堂

2)以英語教學
或者我呢d 英文唔叻既人,當然要搵老師教一下嗎

3)地點好
位於尖沙咀世界商場中心係新港中心對面
地鐵站係A 出口行就到啦
我地有巴士仲係對面街落車tim
4)訓練小朋友既膽量
PQ上完堂後明顯係大膽左,肯周圍爬同時周圍扶住行
唔太怕人,雖然佢都成日好識同人地Social,但要比佢熟到個地方先

講完好處又點知點唔講起壞處先
壞處-
1)價錢都偏貴
因為都成$295/堂,好似上Summer Coures 都要8堂
都差唔多$2360+280 會費
都成$2640 對於我黎講真係貴左d 
或者有人會話其實你上其他都差唔多啦

冇錯係好似差唔多價錢.但係時間上亦好似短左d 咁,亦係我認為既第二點
2)課堂時間比較短
因為其實都係大約得40-45Mins,雖然佢運動量較多,但好快就上完堂

暫時都係覺得好處係多過壞處,佢地亦係一個Happy PlayGroup黎架
有興趣既朋友可以到佢地既官網/Facebook專頁查看


望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤



留言

熱門文章