2017年6月21日 星期三

【2017❤旅遊】 夏之遊✈️大阪 ♬ 位於難波近日本橋的 Hotel Hillary ✿


對上一次去大阪就係2015 年既Honey Moon 時間
本身仲諗住15 年既11月再去一次睇紅葉
不過當時就好彩有左我呢個小GOGO 
所以飛日本呢樣野就變左冇左
直至到今年2017 年, Gogo 已經不知不覺已經歲幾
就想係呢個仲係未需要買小童飛既時間
帶佢飛一轉大阪,一來好想完左我既心願
二來真係好想襯佢呢個最好玩既時間入面
帶佢去京都玩下影下和服相

今次既機票連酒店呢都係又係搵番東瀛遊購買既
坐香港航空,住日本橋既Hotel Hillary
由於我帶住小朋友既關係,所以就冇揀到零晨機
就諗住蝕半日坐11點30 都好啦
最多咪五點幾到日本,仲可以慢慢去食個飯
好景不常.....我地出發前幾日咁岩
就有香港2017 年第一個颱風,仲要一黎就八號
當時仲諗好彩唔係出發個日先黎出發
點知...打完風之後先仲煩,星期三出發都避唔過Delay 既問題

本身11點30 起碼既班次,係我地去到機場之時
已經見到佢要Delay ,已經超級失望
因為佢起碼要Delay 到成點鐘...
咁冇計啦就係機場慢遊呢幾粒鐘
開頭仲諗住去T2 既整出前一丁Workshop 
點知原來....唔可以Walk in 去玩,仲要係星期三唔開既

最後順利一點上機,五點幾就六點落機
好快拎好行李,順順利利地拎住一早係東瀛遊既
南海鐵路(單程)連One Day Pass (電鐵)去換車飛,
點知上左南海鐵路先發覺自己冇睇到張車飛原來有寫座位

連跑幾個車卡,我男人仲要手拎兩個行李加BB 車
然後佢就怨我點解.....要拎咁多枝水..
黎到日本買唔得架咩,再一次怨點解要帶阿仔黎日本
心情本身已經唔好,仲要比人怨一怨...
我地既日本之旅就係咁開始啦


今次我地住既難波站同日本橋既酒店
名為Hotel Hillary,其實係難波南海鐵係City 商場行出黎
穿過千日前通,直行大約兩至三條街轉右,沿路好多夾公仔呀買模型等等

(借圖)
仲之見到高島屋既舊鋪就可以直行到尾,
係途中應該見到有間模型鋪,好似三層咁高
但係我地冇入去行到,門口有兩個蒙面超人一比一高既
(借圖)

再行多一個街口就會見到呢個酒店既招牌
見到7-11 轉入去就岩架啦,就可以直接上兩樓架啦
去二樓做咩?就係Check In 啦!


因為我地真係好攰,加上帶住小朋友
番到香港睇番d 相先發覺冇點影個大堂既環境
係Check in 個陣,佢會要求你填寫一張入住申請表
好似只係填寫自己全名就可以架啦

咁當時會有位同事同你講解下啦,咁亦可能環保既關係
佢會問你可唔可以兩日執一次房既,咁你肯呢
就會比番四枝水做感謝,而我地亦覺得可以唔洗日日執房
咁就接受呢個Offer 啦,唔知係唔係因為旅客既關係
定係經旅行李就係會住4/F 呢層
因為老公朋友上次又係住4/F 只係我地隔離房

房間比起我地上次住Comfort Hotel 大
廁所係最優勝,但係我又唔記得左影😜
房間可以擺到兩個大Gip ,同時亦可以把大Gip 打開
但係開唔到雪櫃門,所以我地都係擺左係床尾就算啦

咁我地今次係揀左一張雙人大床,但係訓我地三個都冇問題
係張被好似細張左d ,如果似我地咁三個人就記得問佢拎張被
或者自己帶張被仔過去安全d 


簡單地講完間酒店房,不如又簡單地介紹下
呢個酒店入面既配套真係幾好
好似有成兩個書架既漫畫可以比你拎番房入面慢慢睇
不過入面全部都係日文,內容就要靠估了 


除左漫畫之外,最估唔到就係有洗衣機同乾衣機呢兩樣野
雖然係日本可能好多既酒店都會有呢樣野
之前真係覺得有都未必有用啦
都唔會留係度洗既,但係今次帶左阿仔
真係好多好多突發野出現,而今次洗衣機亦可以救到我地一命


仲有仲有不得不介紹!!!佢地既無料飲品!!
24小時無限時間提供,重點係免費
不過隻杯好細個,就好似我相入面個隻杯咁
而我每朝就落去拎熱水去浸米米粥


係飲品機旁仲有個無料既洗頭沖涼落妝既Shampoo Bar
老老實實佢地真係好鬼貼心,其實我個人認為房既洗頭沖涼已經好好用
或者有d 朋友真係用唔慣其他牌子,有佢地就可以好幫到手
或者真係係呢度試岩再去藥妝掃過呢?
而我都有貪心地拎左d 落妝奶去洗面,因為我以為自己有帶


最後就講番早餐啦,老老實實呢間既早餐就真心好一般既
不過叫做可以食得飽飽地去出門咁解
佢最後既Order 係0930,所以真係好似我地呢D 擺明Hea 遊既朋友
就可以留番個肚仔過去附近既黑木市場再食過
而我地就差不多每日都係食烏冬,因為要比PQ 做早餐呀嗎


P.S. 呢間酒店Check in 時間好似係3點,而Check Out 時間係朝早十點
如果大家可能係好早機走或者都預算執好左行李,
提早Check Out 係會有現金回增既,當然唔好以為好多啦
好似唔知8點定9點走就有100 yen 回
7點走就有200 Yen 回番比你咁

當然遲Check Out 就要收費啦
咁好似我地想預鬆少少時間啦,就推遲兩個鐘Check Out
可以去Hea 多陣同埋去下廁所,再睇清楚有冇漏野咁
咁每遲多一小時就500 yen
兩小時合共 1000 yen (約港紙$70左右)

不過記得要預早通知,
唔係當日先話就唔止比多1000 yen 架啦

如有任何問題歡迎查詢,如果我識答一定會答xd

ホテルヒラリーズ (Hotel Hillarys)
大阪市浪速区日本橋3-4-10 
TEL:+81 (06) 6633-0600
Double Room(附早餐)  看現在房價  


望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤





沒有留言:

張貼留言

【保養】想美白又怕會敏感 ◕‿◕ 肌美精低敏高效/透亮保濕面膜 ♪゚

面膜我想每一個女生家中必備之物 係我自己既櫃入面起碼有超過30塊面膜或以上 但係知道做左媽媽真係未必咁多時間去敷 敷親都係急救成份為主要, 不過PQ 開始大個仔,生活作時穩定左 而我亦開始做番適當既護膚時間 而最近我就試緊呢一款來自日本品牌肌美精 ...