【彩妝】✿ 那天。跟你約會去 ♬ My Sweety Girl Look ✿

還記得小妹早前跟大家分享過一點點護膚的小心得嗎?
仲利用了Too Cool for School Skincare 跟大家分享我的日常護理小Trips 
既然講左兩課既Skincare , 今次開始不如等小妹來個小分享
今次就跟大家講彩妝啦!!

小妹自知化妝絕對不是彩妝達人,但係今次我想挑戰
" Sweety Girl Look"
唔知大家會唔會喜歡我今次既分享,但係唔試又點知你地鐘唔鐘意?
首先呢,我就要再一次哂命一下啦,因為呢....
早前 T.C.F.S. 家送了我們四位的Gossip Girl
每人一箱特別化妝品,每個Gossip Girl  也可能收到不同的既產品架
好吧,先給大家看看這個超級美的化妝箱
知道嗎?我收到它後我真的很想在公司逐個逐個拆出黎看呢


我在拆開這個化妝箱之前當然一定要跟大家分享一下
 T.C.F.S. 家的貼心而細心既設計!!
看到嗎?這個盒子是有小妹的名字呢!!!!
實在太過貼心而且太過令我心動呢!!!

我準備好為大家打開了化妝箱囉,你們準備接受小妹化個
Sweety Girl Look個妝未呢? 


打開後就是有以下既彩妝品在盒內的唷!!!
簡直是由用具,底妝,眼妝什至胭脂唇膏也有呢!!


在進行化妝之前小妹就會先建議大家使用上呢枝
Maybe Baby Lip $130
點解會先用上呢枝先呢?
日常我地都會使用上磨沙或者去角質既產品係肌膚上
但係我地個咀其實都需要用上呢D 產品
但係平時用開既又岩唔岩用係我地緻滑既肌膚上面呢?
T.C.F.S. 就推出了這一枝既可以做出磨沙又可以做到潤唇既產品


首先係咀仔既部份使用白色的那部份搽上了磨沙那Part
當咀仔搽滿了白色的磨沙就可以用手指去輕輕按摩一下
當按到有一點點的碎在咀仔上面的時候就再用清洗咀仔
就可以再搽上潤唇膏作軟化及滋潤之用


假設如果大家唔係一起身/一洗完面就去化妝的話
我會先建議大家使用上一些保濕面膜或者
搽番D 保濕度比較高既精華及面霜,而我自己就揀番它家既
Mineral water gel cream作為打底之用
(↑如想了解有關此產品資料,可按我回顧)


但係在搽面霜之前就記得先用爽膚水抹一下面上既油脂同塵埃
就可以搽上面霜囉,提大家一下最後可以用掌心輕壓一下肌膚,
那就可以有助肌膚作保濕架啦



來開始素顏的樣子出場
請記住我這個樣子,就會知道化妝品的神秘力量
我朋友成日都話其實你真係唔差呀,我話你次次見我都係化左妝嗎XD


化妝第一步就當然要搽上base 嗎,今次我會選用了同樣是Rules Line既
【Get Ready Dual primer】雙重遮毛孔妝前底霜 

今次呢枝Bass 其實好特別,因為它是一枝同時有兩個部份的
1) 水份遮毛孔妝前底霜 -50ml
2) 
遮毛孔軟膏 - 1.5g

水份遮毛孔妝前底霜 :
採用「零油分」配方 + 內含吸油粉末

能有效遮蓋毛孔.同時吸走多餘的油脂分泌令妝容更持久!
最重要它真的夠哂大枝,如果常常化妝的朋友就可以唔洗狂買啦


係呢個夏天就可以唔會再令妝容更易溶妝啦,而且可以Keep 得耐一點
加上它的質地跟我剛剛介紹的面霜有一點像
很易推也很水水的,所以也可以做到保濕效果唷!
在搽Bass時跟大家分享一下,其實想令毛孔看下去會細一點
最好的方式也是跟住毛孔的位置去搽
就好似我自己就會順番個毛孔位置向下掃啦


當然少不了要說一下它的特別位置就是 遮毛孔軟膏
當大家在搽完Bass 之後可以打開蓋頂的位置就可以用手指
以打圈既方式去拎D 軟膏
再以"打圈方式"去塗在毛孔較大既位置
如小妹的,早前時常在鼻邊位置甩皮得蠻緊要所以我會著重在這個位置
搽多一點點的軟膏吧~當然旁邊的位置毛孔較大的也可以塗一點啦


Bass部份完成後,當然就要搽上粉底既產品
雖然小妹本身就是比較喜歡用上粉底的,但係今次反而我會揀用番
它家的BB Cream 產品,所以今次我就會揀選了
也是同系列的【Dual Cover BB SPF 30 PA++】

今次呢個BB Cream 有個幾個既成份就係
含有茶樹油等多種修護成份,特別適合暗倉及敏感肌朋友使用
(對-口-本來我是混合性偏乾的,但係近來皮膚大變開始有點敏感肌呢)


煩一點也要提一下,任何粉底類產品都唔好一次過拎咁多
情願辛苦一點慢慢咁拎少少地既份量就可以囉
好似小妹今次就先拎約一粒豆既份量先用
而我自己就會先搽在面仔上既五點就慢慢推開
或者大家都會問究竟係用手好定掃好呢?
 其實兩者都好,但係用手就會貼服一點因為有熱力幫助
而掃呢?就可以令整個妝容均勻一點既
而我今次就拎掃同大家示範一下個效果


或者大家可能話個BB Cream 好似好白下啵
又或者會話個bb Cream 會唔會做到個遮暇度好似唔夠高啵
咁點攪呀?係唔係再要搵番d 遮暇膏再搽呢?

其實呢枝BB Cream 既蓋頂都含有遮暇膏架,所以又可以慳番筆錢之如
又可以做到一個完美底妝啦係唔係?
同埋BB Cream 既白問題,其實我自己覺得今次呢枝BB Cream 好似自己會
Turn 番本身既肌膚色,所以我就唔太擔心會令成個面好似白面具咁啦


底妝係唔係咁就真係完成呢?
如果你本身係乾性肌唔易出油既朋友,你絕對可以說是完成的
但係係夏天狂爆出油狂出粒粒既小妹,
底妝仍有最重要一步,它就是.......定妝啦!!

之前我或者會同大家講,我係用上碎粉作定妝之用
但係今次我就會揀選了呢盒美美的
【Photoready Pact SPF 25 PA ++】$230 


今次小妹呢款就係#2 色既粉餅
粉餅含有一個薄薄的小粉撲可以用上粉之用既


或者大家會話,用粉撲或者用掃有咩分別呢?
不如就等我分享一下究竟用粉撲先啦
其實用係粉撲既話就可以令整個妝容可以提高遮暇度啦
如果你當日可能皮膚狀態唔算好好既話就可以用上粉撲去上妝啦


如果你當日既肌膚狀態不錯既話,就可以用上掃去上妝囉
咁用碎粉掃上妝既話就可以令整個妝容更加貼服之如
最重要都係做到透薄自然一點啦


來一個正面給大家看看會唔會有一點分別?
對我而言係呢個肌膚不隱的時候,粉撲絕對是一個更佳既選擇


如果想整個妝容看下去會更加立體一點的話
當然可以選用上它家的光影液作Hight Light 之用
Cluber Hight lightt $120


不過它這個Hight Light 產品有點跟小妹平常用開的有一點不同
它是以甲油咁設計,所以剛剛在使用的時候
的確是有一點難控制的,而小妹就會搽在T-ZONE 位置
鼻翼兩邊及下巴的位置既,當然嗎!!
記得要好好推番均勻一點呀!!! 唔好一撻撻係個面度呀!



係時候又要準備玩眼妝啦!!!!
首先我會先搽上呢枝Cream 庄既眼影膏
Dinoplatz Eye Shadow on Flatio 
#2 Peach Gold $120


取大約一粒米既Size 放係手背上推開就可以再搽上眼蓋上架啦
其實睇落就好似冇咩咁特別,但係其實都有一點既光澤感係個眼上面架


之後我就唔打算再搽上眼影,直接來玩眼線囉!!!
今次呢個兩款顏色唔知化係我隻眼時候
又會有咩效果呢?記得要看看唷!!


首先我會先將藍色眼線畫在眼蓋上,
雖然它是#1 Midnight 藍色的,但係感覺像一點是黑色會令整個眼更有神吧
然後就用金色的眼線筆,畫在下眼線的位置
那個#5 Almond 金色的眼線其實很Sharp 的,所以我很喜歡把它放在下眼線位置


眼妝除左畫線之外當然是不少得的就是要弄一下眉吧
我的朋友時常說你的眉真好,完全可以不畫的就可以出街
雖然我家父母給予我一對咁好既眉,但係都有地方要修改架!!

所以如果我想個整體個妝容更有整潔的話,條眉就應該修一修之外
最重要都要把它掃一下!!
用上擦頭先把眉毛掃一下(是以順時針的唷!!)


再用上Glam Rock Urban Brow #1 Ash Bown $120
提大家一點,用眉Gel 是用逆時針的掃上染眉膏
即係假設我d 眉毛係向左面生的話,正常大家都跟番同方向掃架嗎?
但係搽呢個膏就記得唔好亂黎,係反方向咁掃呀!!


最後眼妝的部份也是我認為最重要的
之前小妹就最喜歡痴假眼捷毛的,但係人大家也開始懶了
為免的的眼皮加強了負擔,小妹也開始少了痴上這個囉

所以夾夾睫毛也是小妹近來最常做的事,
曾經我聽過一個化妝師的分享,
她說很多人時常將睫毛夾一夾好就直接把它向上夾
效果是翹的,但係它就變了一個直角的睫毛,搽上睫毛液後也做不到那個自然大眼妝感覺

她這幾句話小妹一路也記在心中,所以嗎我也看她說的教學
再一次跟大家分享一下,等大家也別用錯方式吧!!
化妝師指先用鏡在自己的下眼位置,再把睫毛夾夾在眼睫毛上
然後慢慢地夾,一路夾的時間,慢慢地放手再向上夾(重複直至睫毛夾到上面)


夾好了睫毛當然少不了要搽上睫毛液吧!!!
呢枝睫毛液我可以跟你說!!!我愛死了!!
它就是【Double Long Lash Shaper 】$200



為什麼我會那麼喜歡它呢?
因為今次呢枝睫毛液是有兩個頭架,一邊就係平常我地去搽睫毛既大頭啦
一邊就係用係一個極幼細既頭,搽在下眼睫毛位置就絕對適合啦!!


眼妝完成後,仲有兩個部份弄好就整個妝容也完成囉!!!
胭脂是可以令人看下去更精神的,加上紅潤的蘋果肌是令男生更心動架!!
今次小妹用上的是 【Dinoplatz Cushy Blusher 】
#3 Lava Martini $150 

在使用之前大家可能要用力把胭脂壓出在撲撲上
再按自己需要搽在蘋果肌的位置
如果你話我好想有一個白裡透紅既感覺又可以點呢?
就將呢個部份提前去做啦,就係將搽完BB Cream 之後
就好搽上這個胭脂吧,當然提前的時候可以搽多一點點
因為之後都需要搽上碎粉作定妝之用,咁樣就可以有白裡透紅既感覺啦


最後當然少不了咀色吧!!!
今次小妹得到的唇色比較鮮色一點,對小妹而言係好有挑選性架!!
它就是【Hot Girl Lip Sticker 】#4 Tangerine $120

其實好早前小妹也曾買過一樣淺色一點的橙色胭脂
當時看到它簡直是著了魔喜歡得不了
但係一時的大意我把整個化妝袋遺留了
它也同樣完全遺失了,今次它好像重回我身邊而只是顏色是有一點鮮xd


最後我這個Sweety Girl LooK 就完成囉!!
未知道你會喜歡我這個妝吧?
未知道他會喜歡我這個跟他約們的樣子呢?



今次這個妝容我是想以Colourful Summer Look 作藍本的
大家在看這篇文章也可能認為為什麼好似有d不連載的嗎?
事實是早前化了的那個妝我不太滿意就重要來化這個約會妝容

由於我收到的唇色是比較紅一點的,所以小妹今次在眼妝部份
小妹就把重點著重在唇色部份
所以眼妝部份就會有一點簡單但係看下去會有一點整潔的
但係由於小妹的唇也是較肥大的,所以為免有血紅大口的感覺
我在唇邊是搽上另一款自色款色來一個Mix ,那唇色就看下去沒太紅的感覺
但係仍有紅唇的那個感覺,加上了胭脂的部份
也會帶有一點Sweet 感覺,唔知你又喜歡這個小魔怪嗎?



希望大家也會多多支持,如有任何問題歡迎大家係度問我架
又或者可以問番Too Cool For School 既各位同事啦!!

今次也希望得到大家既支持,你地既支持就係我打得更多既動力
想看回有關Skincare 既文章,就可以看回這條Link啦


希望你既Keep 住支持呀!!
文章暫時分享到呢度,記得要看看我下一篇既更新啦!!!

**以上內容亦只是個人意見,不代表所有人的意見**
##產品由品牌提供##

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^













































留言

熱門文章