我的每月回顧 .。☆ Mar Of 2013

小記既文章好似好耐都冇出現係我既Blog 入面
不斷出現的也許只有試用試用活動等等既文章~

回想一下當了Blogger 也差不多有年半的時間
如果你問我覺得自己紅唔紅既話.....我只可以答,我夾住係中間
紅既我講唔上,出名既更加唔係~興幸既就係大家在活動中也會認得我

係呢個三月也算令小妹有喜有悲既月份,喜的~如有留意我專頁的
或者認識我的應該會知道xd 不過我不是想講呢個開心事先
反而是...一個人既說話真的令我反思....究竟我做Blogger 係為左d 咩

其實呢個Blog 開既時候唔係為左因為我要做Blogger
而係想將我心底想發洩既野係文中發洩~當然全部都係好口語
同埋未必連貫性啦~仲要可能中英夾雜~
後期還把呢度完全冷落左tim~~

當上Blogger 的確是得到不少試用,我開頭的確是為了產品而做~
後來...我是真係喜歡分享不同既事給大家知道~
不過近來我報名參加左個美容小店既活動,不過我自己又大頭蝦冇望清楚原來要拍片的
當再三詢問該店的負責人是需要怎拍片的?店主希望我們可以把短片弄得很美的
可惜小妹只懂影相,唔識拍片再剪片-口-怎可以把它懂得很美呢~
我問了一聲可否只拍好把它放在文中呢?誰知....得到的就是一句
【其實呢,而家Blogger 界想做好Blogger 一定要識拍片剪片的,你唔識都好難係呢度生存】

真心的~比佢呢句說話打擊左唔少....唔識拍就不能在Blogger 界生存嗎?
不過唔開心左一日,我就跟自己講....別為人地既說話打擊自己
我做Blogger 唔係為左人地,係為左自己~我為興趣而做的!!!
所以我今日話既.....做到出名既Blogger 係我既目標!!!

睇完我呷完一大輪~大家都睇到悶嗎?
等我講下我既開心事啦~~~就係小妹第一次拍平版廣告啦!!!
雖然是一少格,但係絕對令小妹開心足咁多日~

今次拍攝活動係小妹收工後架~仲要去柴灣tim ~
真係咁大個女都未試過去
柴灣咁遠~仲要夜麻麻都唔好唔驚~不過有專業化妝師同小妹化個妝Set 個頭~
但係其實我唔太喜歡札起d 頭髮,好似即時老左幾歲~你地話係唔係呀?
同場有份影既朋友仔~話呢個褂頭又幾岩我xdd



由於需要配合品牌既需要~所以我地著左品牌安排既白色衫型格Look
但係朋友們都笑話我呢個似大肚Look 





不如比大家睇下我當日拍攝花絮大家睇下先~
原來要拍一個平版廣告真係唔易,除左比d 強勁大燈照住你雙眼
仲要Keep 住好笑容~Pose等等~
同埋要比相機既閃光燈不斷閃閃閃~雖然影左半個鐘但係已經攰到頂唔順xd




係呢半個鐘入面~我地都會拎住呢三款產品去影相~
(嗚謝Sally 幫忙拍攝)



最後係三月頭影既相最後出現係四月份既雜誌出面啦~~~
第一本面世既廣告就係瑪利嘉兒4月號~



當然要自戀一下~小妹既大頭Look 啦xdd
大家或者會問,d 字係咪Loreal 自己打架~其實都係我地自己給品牌再作修改的
全部也是大家的心聲呢,所以唔好以為品牌吹水的~





除左係平版廣告~其實小妹都有出現係電視上面架~
睇下你地又有冇睇到有我呢xdd
不過今次排位就去左最右邊啦~~



雖則出現左短短2秒咁多,但係總叫上過電視係咪xd
請容許我在文章中自戀一下開心一下xd









其實呢Set 野我真係有用過先去影相的,所以使用心得是真的
可以按我回顧: 
http://blog.yahoo.com/siuangelbaby/articles/1335465

好啦~要哂的都已經比我哂到暈嗎xd

其實我還有一些事想跟大家分享一下
早前我有幸參加Estee Lauder 既10cm 美白領隊~
雖然最終落選左~但係仍係一次好好既體驗

好啦~講完咁耐,其實大家會唔會好悶呢?
小妹仍會Keep 住每月送禮!!!但係今次我唔係想谷人氣,要多Like
反而想認認真真咁比一次一路都有睇我文章既朋友們~~~

所以由今個月開始!!! 我會每月問一條關於小妹既問題,禮物亦一定是貨Size 的
但係我唔想事先講明係咩,但係一定要有得揀!!
希望大家多多支持先啦!!

今次我想問下大家,
覺得小妹既文或者專頁~大家最想我有咩改善呢?
(期限: 3/4/2013-30/4/2013)

大家可以於此文下面以"私人" 留言比小妹~
又或者可以在專頁私下PM 小妹,
當然你有我電話又想Whatapp 我既都無任歡迎xdd
不過請大家在留言下加埋你的e-mail ~~謝謝

今期禮物我會送出彩妝產品,有興趣既朋友請參加囉!!!!
公佈結果小妹會於1/5 於專頁公佈同埋會以電郵通知獎人仕~^^









想隨時留意小妹既Blog 既動態及生活點滴

記得要給我一個Like 啦!!!^^

◕‿◕如有任何問題歡迎聯絡小妹


電郵: man_man811@yahoo.com.hk

Weibo:  http://www.weibo.com/siuangel 

留言

  1. 哈哈,我頭先係雜誌見到!
    [版主回覆04/05/2013 13:22:00]封面係FOR 我想比大家睇下我唔同題目既文XDD
    所以可能未必會睇到新文既POST
    不過我都會定期改下唔同既Topic 唔洗咁悶嗎xd
    如果你真係想知我既新文呢,可以Like 我專頁~
    因為我多數都會有文出左都會係專頁公佈
    個度會有我第一手資料~有興趣可以Like 我~
    http://www.facebook.com/angelbabyhome

    唔鐘意既冇問題~但係每次麻煩你多手按一次Post
    咁就知~我最新既文章架啦
    多謝你既意見!!
    [利思回覆04/05/2013 11:14:56]我覺得個封面有啲麻煩,因為唔知你最新係邊篇文!
    [版主回覆04/04/2013 21:27:00]haha~多謝利思支持~>w<
    係啵~~你覺得我個Blog 有冇野要改善?
    比得一個好既意見我~我會送出小禮架~

    回覆刪除
  2. 哈哈 你回得好快! 我意思係因為字大,令到個分段,分句有時會亂。例如係會無啦啦又開左新行,睇個時會比較難跟!(不過可能係我個人電腦問題姐:p)  
    [版主回覆04/11/2013 10:11:58]完全明白XD
    我下一篇新篇會改番細字~你睇下會唔會好D
    之前諗住大隻D 大家會睇得舒服D XD

    原來我諗既係錯架XD多謝你既意見~
    我下一篇打緊~應該呢兩日出,到時比下意見會唔會好D

    回覆刪除

張貼留言

熱門文章