小明&天使大囍事 ღ 第一步。遊走油尖旺

小妹今次唔寫試用,寫下自己野先XD先講明今次有字冇相~~ 希望各位朋友體諒體諒~~ 係上2個星期日我同大帝終於夾到時間一齊放假啦,當然第一時就係去睇場啦 本身心水一早係揀定左迎囍架啦,加上身邊有朋友又擺過,又黎緊有朋友會去擺 而媽咪又話唔好話就邊一個,所以一定要揀油尖旺區~ 其實我好鐘意鑽石山既聯邦架~個新娘房真係好正~樓底又高~最重要係冇柱... 不過...佢個價真係有D 貴~加上唔太就腳阿媽又話個度D 租咁貴,咩都貴過人~冇計要out~ 係當天既前一晚,我不斷上網搵資料睇酒樓....阿媽就話叫我望下聯合3/F 個間 咁好啦,你要既咪聽你講好聽下囉~我地當日既行程就係由佐敦踩到落去太子啦~ 咁當日我大帝遲左好耐都冇到佐敦~我咪自己去睇場先啦~第一站係我自己曾經好恨去擺既"逸東酒店" 對~因為曾經我公司係度擺過周年晚宴~我對於呢個場真係好難忘,有條長樓梯~ 係度幻想緊,老豆拖住我落黎~大帝係度望住我落黎之後接我XDD 真係發夢冇咁早-口-最平消費$75XX 一席~包場計~26萬=口= 完全OVER 左我既預算~唔洗睇即out~~ 第二站: 佐敦迎囍大酒樓 本身都知呢間係有柱位,但係冇計~我心水已經係迎囍,所以點都會上去望一望... 點知..一上去已經真係有D 想走既感覺-口-一來感覺好舊,二來太多柱啦 我唔覺得點解叫冇問題囉,我起碼20圍~你有電視都係咁話呀係唔係先? 睇埋新娘房就梗係...冇得比,窄到呢...同埋個個小姐完全冇心機介紹-口- 或者我對聯邦個個女仔有好感D,因為我當天只係想問下價佢就已經帶哂我去場睇新娘房~ 所以呢間又係可以唔洗諗~OUT 得 中途休息~佐敦咖哩屋 終於等到大帝到啦,當然去左食野先啦,我野都未食就即刻仆左出去~ 呢一間曾經係D Blog 友度睇過佢地介紹呢間餐廳 咁岩今次去搵野食就去試下啦~由於我地當日係星期日冇set lunch 食 所以我地揀左個2人餐食,d 咖哩少少辣都好辣對我黎講 不過大帝話幾好食~辣得好正~都好過冇啦 第三站: 聯邦酒樓新店(較近尖沙咀方向店鋪) 因為我實在唔記得佢呢間叫皇宮定係第二間叫金閣 其實呢個場都真係唔差既,不過都係有柱啦,對比鑽石山就真係冇得比 新娘房好細好細-口-頭5圍有一條柱~15圍左右又有一條柱~如果坐到20圍之後 其他客人就要坐係條行度,不過佢地既佈置就可唔洗煩~但係要加名牌價錢咋 男友都好鐘意,不過始終都係要睇埋其他場既,所以當時都係考慮之一 第四站- 彩福欣宴 第一感覺,個場真係靚到癲左~好正 咁岩今次有人係度擺酒~係門口見到有張相係粉官校服梗係想上去望下個新人我識唔識架啦 樓底高冇柱,佈置好靚好靚好鐘意,不過冇人招呼最大問題係....我地個期冇位 無錯!!!係三個場都冇位,佢有話前少少個場好似仲有位但係最多擺22圍-口-唔可行放棄~~ 第五站-聯邦集團(舊店) 對!呢間係因為男友有朋友擺過... 當一望到場,真係唔洗多講....即使佢有戶外証婚場都好,樓底超矮 裝修勁舊~唔夠燈光,不過SALES 話佢地係未開燈~新娘房比人拎走左條key 冇得睇 男友已經話no...呢間out 得!! 之後佐敦之行~其實我地有去埋明星架~不過一上到去就知唔得... 第六站-金都國宴(九龍行) 本身上去個陣就覺得要上二層~但係落個陣要行樓梯wor~ 但係上到去又覺得個場唔錯wor 都幾大...不過係有柱位,不過honey 覺得唔大問題 但係新娘房就細左d ~不過整個場都唔錯都ok,所以都係我地考慮之一~~~~ 好啦...終於行到落旺角啦... 第七站-雅蘭迎囍酒樓~ 呢個都係我心水之一....點知..一問日期冇場,有都係得22圍 即係out 得啦又....當時真係好灰架~咁行到去朗豪坊~ 見到之前係婚沙展拎既金御啵~~又上去望下係咩場啦~~~~ 又係一上去唔洗睇其他野~走得~d 柱多到呢... 唉...已經好心灰架啦,咁應承左媽咪話要睇好彩嗎~ 幾攰都要行埋過去太子架啦~所以第一站我地去左始倒望下咁多間酒樓先~ 譽宴就完全唔諗啦~因為佢既價同我地既圍數實在過哂我地既錢~ 所以由最高個間開始望落去啦~第一間去左煌府~其實我知佢係好貴架啦~但係實在太貴啦~ 加上佢都冇期真係好彩.....加上個日上去個場分開左幾個場怪怪雞雞咁-口- 第八站-始創5/F 帝皇庭 我開頭以為佢係皇上皇集團,點知我地個日去到個陣有擺酒啵~咁岩哂啦又可以順便睇場~ 點知傾傾下原來呢個場係獨立架~個價雖然唔係最平但係都ok 吸引~ 不過最美中不足就係個場..1定會比人間開左~就好似窄左d 啦~ honey 自己都好鐘意~最好就係好多野都唔洗另外附加~真係慳番好多好多~ 不過最終當然我係想轉送但係又可以平價d 啦xdd 最後....聯合廣場就望望就算啦...真係太舊啦個場-口-唔洗諗! 跟住我地順便落左去金都望攝影~因為Carman 佢自己都用左呢間 同埋d 價真係ok 吸引~不過最飲恨~最出名既P都冇期啦-口- 最後.....我要講,我地要結婚啦>w< 希望係母親節當天可以揀定左個酒席問題同埋攝影問題啦!!! 最後......我想講...Baby 要結婚啦:p

留言

熱門文章